မဟာအောင်မြေမြို့နယ် ကျောက်မျက်ဈေးအတွင်း ဇူလိုငလ(၁၈)ရက်နေ့
နံနက်(၁၀)နာရီ (၅၅)မိနစ်ခန့်က အရောင်းအဝယ်ပြုလုပ်နေစဉ်
ဂက်စ်အိုးပေါက်ကွဲမှုကြောင့် အထိတ်တလန့် ထွက်ပြေးကြရာ ကုန်သည်များ၏
ကျောက်စိမ်းပျောက်ဆုံးမှုတန်ဖိုး များပြားခဲ့ကြောင်း သိရသည်။
အဆောင်(၄) ၊ အခန်း(၁၁)တွင် စတင်ဖြစ်ပွားသည့် Water Cooler ဂက်စ်အိုး
ပေါက်ကွဲသည့်အသံကို ဗုံးကွဲသည်ဟု ထင်ခဲ့ကြကာ ထွက်ပြေးခဲ့ကြကြောင်း ၊
ထို့ကြောင့် ကျောက်ဝိုင်းအတွင်း လူစုလူဝေးသဖွယ် ဖြစ်ပွားခဲ့ရကြောင်း
ကျောက်စိမ်းဈေး လုံခြုံရေးတာဝန် ထမ်းဆောင်နေသည့် ရဲတပ်ဖွဲ့ဝင်တစ်ဦးက
ပြောသည်။
Water Cooler ဂက်စ်အိုး ပေါက်ကွဲမှုကြောင့် မည်သူတစ်ဦးတစ်ယောက်မှ
ဒဏ်ရာရရှိခြင်း မရှိသော်လည်း အလန့်တကြား ထွက်ပြေးမှုများကြောင့်
ကျောက်စိမ်းကုန်သည် ပွဲစားအချို့မှာ ပါလာသော ကျောက်စိမ်းများ
ပျောက်ဆုံးခဲ့သည်ဟု သိရသည်။
အရေးအကြောင်းဆို လူတောင်လွတ်အောင်ပြေးဖို့မလွယ်တဲ့လမ်းဝယ်
ပြေးပြေးလွှားလွှားလူများဖြင့် တိုက်မိကာ လက်ထဲမှ ကျောက်စိမ်းအချို့
ပျောက်ဆုံးခဲ့သည့် ကျောက်စိမ်းအရည်လိုင်းလုပ်ကိုင်သူ ကျောက်စိမ်းအချို့ကို
ပြန်ကောက်၍ ရပေမယ့် အချို့မှာ ပြန်မရတော့ကြောင်း သိရသည်။ သူမလုပ်ကိုင်သော
ကျောက်စိမ်းအမျိုးအစားမှာ လက်သည်းခွံလောက် အရွယ်အစားရှိ
ကျောက်စိမ်းတစ်ပွင့်ပင် ကျပ်သိန်း ရာ ၊ ထောင်ချီ၍ တန်ကြေးရှိကြောင်း
သိရသည်။
မန္တလေး ကျောက်စိမ်းဈေးသည် ရိုးရိုးတစ်ထပ် ၊ သံဇကာတစ်ထပ်
အခန်းများဖြစ်သလို အဆင့်မီခြင်း မရှိဘူးဟုလည်း ကျောက်ဝိုင်းအတွင်းမှ
ဆိုင်ရှင်များက ဆိုသည်။
Credit to > Mizzima < Thank
No comments:
Post a Comment