ဒုရဲအုပ်တစ်ဦးထံတွင် တရားမဝင်ကိုင်ဆောင်ထားသော ပစ္စတိုနှင့် ကျည်ဆံများတွေ့ရှိ

ကလေးမြို့၊ တာဟန်းရဲကင်းမှ ဒု-ရဲအုပ် ကျဲအိုဒင်မွိုင်း၏ လိုင်းခန်းနေအိမ်တွင်းသို့ မြို့နယ်ရဲတပ်ဖွဲ့မှူးနှင့် အဖွဲ့က ဇူလိုင်လ(၁၇)ရက်၊ ည(၈)နာရီခွဲခန့်တွင် ဝင်ရောက်ရှာဖွေရာ တရားမဝင်ကိုင်ဆောင်သည့် ပစ္စတိုတစ်လက်နှင့် ကျည်ဆံ အတောင့်(၃ဝ)ကိုဖမ်ဆီးရမိခဲ့ကြောင်းသိရသည်။
သက်သေခံအဖြစ် ဖမ်းဆီးရမိသော ပစ္စတိုသေနတ်မှာ PZ 27251 နံပါတ်ပါ  (BERETTA) USA နိုင်ငံလုပ်ဖြစ်ပြီး၊ ကျဉ်ဆံအတောင်(၃ဝ)မှာ 7.65 BR 11 SB တံဆိပ်ပါရှိသည်။
“ဒု-ရဲအုပ်ကျဲအိုဒင်မွိုင်းကို စစ်ဆေးတော့ ဖမ်းမိတဲ့ သက်သေခံ ပစ္စတိုသေနတ်နဲ့ ကျည်အတောင့်(၃ဝ)ကို လွန်ခဲ့တဲ့ ခုနှစ်လလောက်က ချင်းတိုင်းရင်းသားရေးရာ ဝန်ကြီး ဦးနိုထန်ကပ်က အပ်နှံထားခဲ့တယ်လို့ထွက်ဆိုပါတယ်။ ကလေးမြို့မှာရှိတဲ့ စစ်ကိုင်းတိုင်းဒေသကြီး အစိုးရအဖွဲ့နဲ့ ချင်းရေးရာဝန်ကြီးရုံး အပေါ်ထပ်မှာ ဝန်ကြီးနဲ့နှစ်ဦးတည်း တွေ့ပြီး ဝန်ကြီးက ခေတ္တသိမ်းဆည်းထားဖို့ အပ်နှံထားတာလို့ စစ်ဆေးပေါ်ပေါက်ပါတယ်”ဟု ကလေးမြို့နယ် ရဲစခန်းက တာဝန်ကျရဲဝန်ထမ်းတစ်ဦးက ပြောသည်။
ဒု-ရဲအုပ် ကျဲအိုဒင်မွိုင်းသည် ယခင်က ချင်းတိုင်းရင်သားဝန်ကြီးဦးနိုထန်ကပ်၏ လမ်းကြောင်းအချို့တွင် လုံခြုံရေးဝန်ထမ်းအဖြစ် လိုက်ပါခဲ့ဖူးသူလည်းဖြစ်သည်။
တရားမဝင် လက်နက်ကိုင်ဆောင်ထားသူ  ဒု-ရဲအုပ် ကျဲအိုဒင်မွိုင်းကိုအရေး ယူပေးပါရန် ကလေးမြို့နယ်ရဲတပ်ဖွဲ့မှူးရုံး ဒု-ရဲအုပ်လှသိန်း၏ တရားလိုပြုတိုင် တန်းချက်ကို ကလေးမြို့မရဲစခန်းက(ပ) ၃၈၄/၂ဝ၁၄၊ လက်နက် ၁၉(စ)ဖြင့် အမှုဖွင့်စစ်ဆေးလျှက်ရှိသည်။
တရားခံ၏ ထွက်ဆိုချက်မှန်ကန်ပါက ချင်းတိုင်းရင်းသားရေးရာဝန်ကြီးတစ်ဦး အနေဖြင့် လက်နက်ကိုင်ဆောင်ခွင့် ရှိ၊မရှိ သိလိုကြောင်း၊ အကယ်၍ အုပ်ချုပ်ရေးဌာနမှ ဝန်ကြီးတစ်ဦးအနေဖြင့် လက်နက်ကိုင်ဆောင်ခွင့်မရှိဘဲ လက်နက်ကိုင်ဆောင်ပါက ဥပဒေအရ မည်သို့ဆက်လက် အရေးယူမည်ကို စောင့်ကြည့်လိုကြောင်း၊ ဝန်ကြီးအဆင့် အစိုးရဝန်ထမ်းဖြစ်၍ ထိရောက်စွာ အရေးယူမှုမရှိပါက တရားဥပဒေစိုးမိုးမှု ရှိမည် မဟုတ်ကြောင်း ဒေသခံများက ဝေဖန်ပြောဆိုလျက်ရှိသည်။

Credit to > Mizzima < Thank