ရန်ကုန် ဒီဇင်ဘာ ၂၈
သရုပ်ဆောင်မင်းအုပ်စိုး ခြေလွန် လက်လွန် ပြုလုပ်မှုကြောင့် သေဆုံး သွားသည့် သရပါမဂ္ဂဇင်းမှ တာဝန်ခံ အယ်ဒီတာ မတေးနုယဉ် (ခ) မနုနုယဉ် သေဆုံးမှုနှင့် ပတ်သက်၍ ဗဟန်းမြို့နယ် မြို့မရဲစခန်း၌ထွက် ဆိုချက်များကို မှန်ကန်မှုရှိမရှိ သံသယ ရှိနေကြောင်းနှင့် ၄င်းတို့ နှစ်ဦးမှာ သွေးသား တော်စပ်မှုမရှိ ကြောင်း မတေးနုယဉ်၏ မိသားစု ဝင်များက ယနေ့စာနယ်ဇင်းရှင်းလင်း ပွဲတွင်ပြောသည်။
လက်ရှိအချိန်တွင် သေဆုံးသူနှင့် ပတ်သက်၍ ထွက်ရှိလာသော ဆေး စစ်ချက်အဖြေများမှာ နှလုံးနှင့်အသည်း မှာ ပွင့်ထွက်နေကြောင်း၊ နံရိုးအားလုံး ကျိုးကြေနေကြောင်း၊ အဆုတ်တွင် အညိုအမည်း ဒဏ်ရာများနှင့် ဦးခေါင်း အပါအဝင် အခြားနေရာများတွင် အညိုအမည်း ဒဏ်ရာများရှိနေ ကြောင်း၊ စခန်းတွင် သရုပ်ဆောင် မင်းအုပ်စိုး၏ ထွက်ဆိုချက်ဖြစ်သည့် လူမှုရေး ကိစ္စတစ်ခုကို မေးမြန်းရာ အမှန်အတိုင်းမဖြေ၍ လက်သီးနှင့် ထိုးခြင်း၊ခြေနှင့်ကန်ခြင်းတို့မှ လက် လွန်သွား၍သေဆုံးသွားသည်ဟု ထွက်ဆိုမှုမှာ သံသယဖြစ်စရာ ဖြစ်နေကြောင်း သေဆုံးသူ၏ ဦးလေးဖြစ်သူဦးအောင်ကျော်ထွား ကပြောသည်။
''ဒီကိစ္စနဲ့ပတ်သက်ပြီး ခုအချိန် မှာတော့ဘာမှပြောလို့မရသေးဘူး။ဒါပေမယ့်ဆေးစစ်ချက်နဲ့ သူတို့ ပြောတာကဟုတ်မှဟုတ်ပါ့မလား လို့တော့တွေးမိတာပေါ့။ဥပဒေအရ မှန်မှန်ကန်ကန်ဖြစ်စေချင်တာပါ'' ဟု ၄င်းကပြောသည်။
သေဆုံးသူ မတေးနုယဉ်သည် မကွေးတိုင်းဒေသကြီး ဂန့်ဂေါမြို့ နယ် ကျောက်ထုမြို့ဇာတိဖြစ်ပြီး ရန်ကုန်မြို့တာမွေမြို့နယ် ဗျိုင်းရေ အိုးစဉ်လမ်းတွင်သူငယ်ချင်းများနှင့် အတူတိုက်ခန်းငှားနေထိုင်၍ သရုပ် ဆောင်မင်းအုပ်စိုး၏သရပါမဂ္ဂဇင်း တွင် အလုပ် လုပ်ကိုင်ခဲ့သည်မှာ ခြောက်နှစ်ကျော်ခုနစ်နှစ်ဝန်းကျင် ရှိပြီဖြစ်ကြောင်းသိရသည်။
သေဆုံးသူ၏မိခင်ဖြစ်သူ ဒေါ် ကြည်ဝင်းက''မဆုံးခင်ညနေအထိ အဆက်အသွယ်ရှိသေးတယ်။ဘာ ကိစ္စကြောင့်ခုလိုဖြစ်သွားတယ်ဆို တာလုံးဝမသိဘူး။ သူကဟိုတုန်းက တည်းကအလုပ်နဲ့ပတ်သက်ပြီးဘာမှ မပြောဘူး။ အဲဒီနေ့ညပိုင်း၁၁နာရီ ခွဲလောက်ကဖုန်းခေါ်သေးတယ်။အခြားတစ်ယောက်လာကိုင်တယ်။ သူမအားဘူးလို့ပြောတယ်။ သူနဲ့ မင်းအုပ်စိုးနဲ့ဘာမှမတော်ပါဘူး။ အလုပ်လုပ်ရုံသက်သက်ပါ။ အဖြစ် မှန်ကိုပေါ်စေချင်တာပါ။ခုကတချို့ တွေကပြောနေတာတွေက ခေါင်း တောင်မဖော်ရဲဘူးဖြစ်နေပါတယ်။သူ့ဂုဏ်သိက္ခာကို အန်တီယုံပါ တယ်'' ဟုပြောသည်။
ယခုလ ၂၅ရက် နံနက် ၂နာရီ ခွဲကဖိုးစိန်လမ်းရှိ သရုပ်ဆောင်မင်း အုပ်စိုး၏နေအိမ်တွင်ဖြစ်ပွားခဲ့သော သရပါမဂ္ဂဇင်းတာဝန်ခံ အယ်ဒီတာ မတေးနုယဉ်သေဆုံးမှုနှင့်ပတ်သက် ၍လက်ရှိအချိန်တွင် သရုပ်ဆောင် မင်းအုပ်စိုးကို ဗဟန်းမြို့နယ် မြို့မ ရဲခန်းကလူသတ်မှုပုဒ်မ၃ဝ၂ဖြင့်အမှု ဖွင့်အရေးယူထားပြီးအင်းစိန်ထောင် တွင်ယမန်ယူ၍ဖမ်းဆီးထားကြောင်း သိရသည်။
မျိုးမင်းပိုင်
Credit to > The Union Daily < Thank
No comments:
Post a Comment