MCC (ကျိုက်ထို) မှ အိမ်တိုင်ရာရောက် မီတာခကောက်ခံပေးခြင်း ဝန်ဆောင်မှု စတင်နေပါပြီ

ကျိုက်ထိုမြို့နယ် MCC ကွန်ပျူတာသင်တန်းကျောင်းမှလူကြီးမင်းတို့၏ မီတာခပေးချေမှုများအတွက်အိမ်တိုင်ရာရောက်ကားဖြင့် လှည့်လည်ကောက်ခံပေးမည့်ဝန်ဆောင်မှုကို ယခုမတ်လမှစတင်၍ပြုလုပ်ပေးနေပြီဖြစ်ကြောင်း မိဘပြည်သူများအား အသိပေး အကြောင်းကြားအပ်ပါသည်။ လူကြီးမင်းတို့၏ တန်ဖိုးရှိလှသော အချိန်ကို သက်သာစေသောအားဖြင့် MCC (ကျိုက်ထို) မှ မော်တော်ယာဉ်ဖြင့် မီတာခများကိုပြေစာတစ်စောင်လျှင်ဝန်ဆောင်ခကျပ်(၂ဝဝ)နှုန်းဖြင့် ကောက်ခံပေးသွားမည်။ မိဘပြည်သူများမှ MCC မီတာကောက်ခံရေးမော်တော်ယာဉ်တွင် မီတာခများကို အဆင်ပြေ ချောမွေ့လွယ်ကူစွာ ပေးသွင်းနိုင်ပြီ ဖြစ်ပါကြောင်း ဝမ်းမြောက်စွာ အသိပေးကြေငြာအပ်ပါသည်။

လစဉ် လူကြီးမင်းတို့ မီတာကြေးပေးသွင်းရမည့် နောက်ဆုံးရက် မတိုင်မီ (၁) ရက်အလိုတွင် ကျွန်တော်တို့ MCC မီတာခကောက်ခံရေးမော်တော်ယာဉ်သည် လူကြီးမင်းတို့ အိမ်ရှေ့ (သို့မဟုတ်) နီးစပ်ရာ လမ်းဆုံ လမ်းခွများတွင် လာရောက်ကောက်ခံပေးသွားမည် ဖြစ်ပါသည်။

ကျွန်တော်တို့မော်တော်ယာဉ်သည် လစဉ် (16) ရက်နေ့၊ (18) ရက်နေ့၊ (20) ရက်နေ့၊ (22) ရက်နေ့ နှင့် (24) ရက်နေ့များတွင် တစ်မြို့လုံးသို့ လှည့်လည်ကောက်ခံပေးသွားမည် ဖြစ်သည့်အတွက် မီတာခကောက်ခံရေးယာဉ်နှင့် ကြုံဆုံသည့် မည်သည့်နေ့တွင်မဆို ကိုယ်တိုင်ပေးသွင်းနိုင်ပါသည်။

ပါဝါမီတာများအတွက်   မြို့နယ်လျှပ်စစ်အင်ဂျင်နီယာမှူးရဲ့ ညွှန်ကြားချက်အရ ကျပ် 100000 ကျော်နှင့်အထက်ကို ဘဏ်ရုံးတွင်ငွေသွင်းပြီး ပြေစာနှင့်တကွ မြို့နယ်ရုံးတွင်သာ ပေးဆောင်ပေးပါရန် အသိပေးအကြောင်းကြားအပ်ပါသည်။

ကျေးဇူးတင်ပါသည်။